''അഭിഷേകും ഞാനും തമ്മില്‍ അഭിനയത്തില്‍ നല്ല പൊരുത്തമാണ്. പ്രായംകൊണ്ട് യുവാവാണെങ്കിലും അനുഭവസമ്പത്തില്‍ അഭി ഏറെ മുന്നിലാണ്. അഭിനയത്തില്‍ എനിക്ക് ആവശ്യമായ നിര്‍ദേശങ്ങളും ഉപദേശങ്ങളും അദ്ദേഹം നല്‍കാറുണ്ട്...''-ബോളിവുഡിലെ പുതുമുഖങ്ങളില്‍ ശ്രദ്ധേയയായ സോനം കപൂര്‍ പറയുന്നു. സഞ്ജയ് ലീലാ ബന്‍സാലിയുടെ 'സാവരിയ'യിലൂടെ സ്വപ്നസദൃശമായ തുടക്കമാണ് അനില്‍കപൂറിന്റെ മകളായ സോനത്തിന് ബോളിവുഡില്‍ കൈവന്നത്. 'സാവരിയ' സാമ്പത്തികമായി വന്‍വിജയം കൊയ്തില്ലെങ്കിലും ഒരു വമ്പന്‍ സംവിധായകനു കീഴില്‍ ബോളിവുഡിലേക്കുള്ള കന്നിപ്രവേശം സാധ്യമായതില്‍ സോനത്തിന് അഭിമാനമേയുള്ളൂ. ബന്‍സാലിക്കുശേഷം രാകേഷ് ഓംപ്രകാശ് മെഹ്‌റയുടെ 'ഡല്‍ഹി-6' എന്ന ചിത്രത്തിലാണിപ്പോള്‍ സോനം അഭിനയിച്ചുകൊണ്ടിരിക്കുന്നത്. നായകനായി അഭിഷേക് ബച്ചനും. ഷൂട്ടിങ്ങിനിടയില്‍ അഭിഷേകിനും മറ്റുള്ളവര്‍ക്കുമൊപ്പം രസകരമായ ഒട്ടേറെ മുഹൂര്‍ത്തങ്ങളാണുണ്ടായതെന്ന് സോനം സാക്ഷ്യപ്പെടുത്തുന്നു: ''രാജസ്ഥാനില്‍ ചിത്രീകരണം നടത്തുമ്പോള്‍ പത്തു ദിവസം കൂടുമ്പോള്‍ ഞങ്ങള്‍ ഡാന്‍സ് പാര്‍ട്ടി നടത്തുമായിരുന്നു. എണ്‍പതുകളിലെയും തൊണ്ണൂറുകളിലെയും ഹിന്ദി ചലച്ചിത്രഗാനങ്ങള്‍ പാടി പുലരുവോളം ഞങ്ങളെല്ലാം ആടിത്തിമര്‍ക്കും...'' 'ഡല്‍ഹി-6'-ലെ അഭിനയത്തിനുവേണ്ടി തനിക്കു ഒരുപാട് അധ്വാനിക്കേണ്ടിവന്നുവെന്നും സോനം പറയുന്നു. ഋഷികപൂര്‍, വഹീദറഹ്മാന്‍, ഓംപുരി തുടങ്ങിയവര്‍ അഭിനയിക്കുന്ന ഈ ചിത്രം തിയേറ്ററിലെത്താന്‍ ഒരുങ്ങിക്കഴിഞ്ഞു.
Saturday, February 21, 2009
'ഡല്‍ഹി-6'ല്‍ സോനത്തിനൊപ്പം അഭിഷേക്
''അഭിഷേകും ഞാനും തമ്മില്‍ അഭിനയത്തില്‍ നല്ല പൊരുത്തമാണ്. പ്രായംകൊണ്ട് യുവാവാണെങ്കിലും അനുഭവസമ്പത്തില്‍ അഭി ഏറെ മുന്നിലാണ്. അഭിനയത്തില്‍ എനിക്ക് ആവശ്യമായ നിര്‍ദേശങ്ങളും ഉപദേശങ്ങളും അദ്ദേഹം നല്‍കാറുണ്ട്...''-ബോളിവുഡിലെ പുതുമുഖങ്ങളില്‍ ശ്രദ്ധേയയായ സോനം കപൂര്‍ പറയുന്നു. സഞ്ജയ് ലീലാ ബന്‍സാലിയുടെ 'സാവരിയ'യിലൂടെ സ്വപ്നസദൃശമായ തുടക്കമാണ് അനില്‍കപൂറിന്റെ മകളായ സോനത്തിന് ബോളിവുഡില്‍ കൈവന്നത്. 'സാവരിയ' സാമ്പത്തികമായി വന്‍വിജയം കൊയ്തില്ലെങ്കിലും ഒരു വമ്പന്‍ സംവിധായകനു കീഴില്‍ ബോളിവുഡിലേക്കുള്ള കന്നിപ്രവേശം സാധ്യമായതില്‍ സോനത്തിന് അഭിമാനമേയുള്ളൂ. ബന്‍സാലിക്കുശേഷം രാകേഷ് ഓംപ്രകാശ് മെഹ്‌റയുടെ 'ഡല്‍ഹി-6' എന്ന ചിത്രത്തിലാണിപ്പോള്‍ സോനം അഭിനയിച്ചുകൊണ്ടിരിക്കുന്നത്. നായകനായി അഭിഷേക് ബച്ചനും. ഷൂട്ടിങ്ങിനിടയില്‍ അഭിഷേകിനും മറ്റുള്ളവര്‍ക്കുമൊപ്പം രസകരമായ ഒട്ടേറെ മുഹൂര്‍ത്തങ്ങളാണുണ്ടായതെന്ന് സോനം സാക്ഷ്യപ്പെടുത്തുന്നു: ''രാജസ്ഥാനില്‍ ചിത്രീകരണം നടത്തുമ്പോള്‍ പത്തു ദിവസം കൂടുമ്പോള്‍ ഞങ്ങള്‍ ഡാന്‍സ് പാര്‍ട്ടി നടത്തുമായിരുന്നു. എണ്‍പതുകളിലെയും തൊണ്ണൂറുകളിലെയും ഹിന്ദി ചലച്ചിത്രഗാനങ്ങള്‍ പാടി പുലരുവോളം ഞങ്ങളെല്ലാം ആടിത്തിമര്‍ക്കും...'' 'ഡല്‍ഹി-6'-ലെ അഭിനയത്തിനുവേണ്ടി തനിക്കു ഒരുപാട് അധ്വാനിക്കേണ്ടിവന്നുവെന്നും സോനം പറയുന്നു. ഋഷികപൂര്‍, വഹീദറഹ്മാന്‍, ഓംപുരി തുടങ്ങിയവര്‍ അഭിനയിക്കുന്ന ഈ ചിത്രം തിയേറ്ററിലെത്താന്‍ ഒരുങ്ങിക്കഴിഞ്ഞു.
Subscribe to:
Post Comments (Atom)
No comments:
Post a Comment