ലണ്ടന്‍: ലോകത്തെ ഏറ്റവും അപകടംപിടിച്ച ഇരുപത് സ്ഥലങ്ങളുടെ പട്ടികയില്‍ ഇന്ത്യയും. മൂന്നുദിവസം ഇന്ത്യയുടെ വാണിജ്യ തലസ്ഥാനമായ മുംബൈയെ വിറപ്പിച്ച ഭീകരാക്രമണങ്ങളെത്തുടര്‍ന്നാണ് ബ്രിട്ടനിലെ 'ദ ടെലഗ്രാഫ്' പത്രം ഇന്ത്യയെക്കൂടി പട്ടികയില്‍ ഉള്‍പ്പെടുത്തിയത്.
മുംബൈയിലേക്കുള്ള ബ്രിട്ടീഷ് പൗരന്മാരുടെ യാത്ര കഴിയുന്നത്ര കുറയ്ക്കാന്‍ സര്‍ക്കാര്‍ ഉപദേശം നല്‍കിയതായും പത്രത്തിന്റെ റിപ്പോര്‍ട്ടിലുണ്ട്. പാകിസ്താന്‍, ഇറാഖ്, അഫ്ഗാനിസ്താന്‍, ഇസ്രയേല്‍ തുടങ്ങിയ രാജ്യങ്ങളുള്‍പ്പെട്ട പട്ടികയിലാണ് ഇപ്പോള്‍ ഇന്ത്യയേയും പെടുത്തിയിരിക്കുന്നത്.
അതേസമയം, ഇന്ത്യയില്‍ നടന്ന ഭീകരാക്രമണങ്ങളെ ബെനഡിക്ട് പതിനാറാമന്‍ മാര്‍പാപ്പ അപലപിച്ചു. ആക്രമണത്തില്‍ കൊല്ലപ്പെട്ട എല്ലാവര്‍ക്കും വേണ്ടി പ്രാര്‍ഥിക്കുന്നതായി റോമില്‍ ദിവ്യബലി അര്‍പ്പിക്കവേ മാര്‍പാപ്പ പറഞ്ഞു.....
No comments:
Post a Comment