ഇംഗ്ലീഷ് പ്രീമിയര്‍ലീഗ്
മാഞ്ചസ്റ്റര്‍ (ഇംഗ്ലണ്ട്): ദിമിതര്‍ ബെര്‍ബറ്റോവിന്റെ ഗോളില്‍ മിഡില്‍സ്ബറോയെ കീഴടക്കി ചാമ്പ്യന്‍മാരായ മാഞ്ചസ്റ്റര്‍ യുണൈറ്റഡ് പ്രീമിയര്‍ലീഗ് ഫുട്‌ബോളില്‍ പ്രതീക്ഷ കാത്തു (0-1). രണ്ടാം പകുതിയില്‍ 69-ാം മിനിറ്റിലാണ് ബര്‍ബറ്റോവ് മത്സരത്തിലെ ഏക ഗോള്‍ കണ്ടെത്തിയത്. ജയത്തോടെ മൂന്നാം സ്ഥാനത്തുള്ള ചുവപ്പുപടയ്ക്ക് 18 കളികളില്‍നിന്ന് 38 പോയന്‍റായി. മൂന്നിലുള്ള ലിവര്‍പൂളിനും ചെല്‍സിക്കും 20 കളികളില്‍നിന്ന് യഥാക്രമം 45ഉം 42ഉം പോയന്‍റാണുള്ളത്. അടുത്ത രണ്ടു കളികള്‍ ജയിച്ചാല്‍ ലിവര്‍പൂളുമായുള്ള പോയന്‍റ് വ്യത്യാസം ഒന്നാക്കി കുറയ്ക്കാന്‍ ഫെര്‍ഗൂസന്റെ ടീമിനാവും.
കഴിഞ്ഞ കളിയില്‍ സ്റ്റോക്ക് സിറ്റിക്കെതിരെ വിജയഗോള്‍ നേടിയ അര്‍ജന്‍റീനാ ഫോര്‍വേഡ് കാര്‍ലോസ് ടെവസ് ടീമില്‍ ഉണ്ടായിരുന്നില്ലെങ്കിലും വെയ്ന്‍ റൂണി, ബര്‍ബറ്റോവ്, ക്രിസ്റ്റ്യാനോ റൊണാള്‍ഡൊ എന്നിവര്‍ മുന്‍നിരയില്‍ മാഞ്ചസ്റ്ററിനു കരുത്ത് പകരാനുണ്ടായിരുന്നു.....
No comments:
Post a Comment