ന്യൂഡല്‍ഹി: ജെറ്റ് എയര്‍വേയ്‌സ് തങ്ങളുടെ ആഭ്യന്തര സര്‍വ്വീസുകളില്‍ യാത്രാനിരക്കുകള്‍ കുറച്ചതിന് പുറമേ എയര്‍ ഇന്ത്യയും നിരക്ക് കുറയ്ക്കാന്‍ തീരുമാനിച്ചു. 35 മുതല്‍ 80 ശതമാനം വരെയാണ് നിരക്ക് കുറയുക.
20 ലധികം സ്ഥലങ്ങളിലേക്ക് ഇതോടെ ടിക്കറ്റ് നിരക്കില്‍ വ്യത്യാസം വരും. പുതിയ നിരക്ക് ഇന്ന് രാത്രിയോടെ നിലവില്‍ വരുമെന്നും ഇന്ത്യയ്ക്ക് അകത്ത് യാത്ര ചെയ്യുന്നവര്‍ക്ക് പുതിയ തീരുമാനം വളരെയേറെ ഗുണം ചെയ്യുമെന്നും എയര്‍ ഇന്ത്യ വക്താവ് ജിതേന്ദ്ര ഭാര്‍ഗവ് ഡല്‍ഹിയില്‍ പറഞ്ഞു.
ജെറ്റ് എയര്‍വേയ്‌സ് കഴിഞ്ഞദിവസം 40 ശതമാനം വരെ യാത്രാനിരക്ക് കുറച്ചിരുന്നു. ആഗോളതലത്തില്‍ എണ്ണവിലയില്‍ ഉണ്ടായ കുറവ് മൂലം വിമാനഇന്ധനത്തിന്റെ വിലയും ഗണ്യമായി കുറഞ്ഞിരുന്നു. ഈ സാഹചര്യത്തില്‍ വിമാനയാത്രാക്കൂലി കുറയ്ക്കണമെന്ന് നേരത്തെ ആവശ്യമുയര്‍ന്നിരുന്നു.....
No comments:
Post a Comment