ആലപ്പുഴ: ആഗോള സാമ്പത്തിക മാന്ദ്യവും മുംബൈ ഭീകരാക്രമണവും മൂലം തിരിച്ചടി നേരിട്ട ടൂറിസംമേഖല പ്രതിസന്ധിയില്‍നിന്ന് കരകയറുന്നു. പുതുവര്‍ഷത്തോടനുബന്ധിച്ച് വിദേശ, ആഭ്യന്തര സഞ്ചാരികളുടെ ഒഴുക്ക് ദൃശ്യമാണ്. ഭീകരാക്രമണ ഭീഷണിയുടെ പശ്ചാത്തലത്തില്‍ ഗോവയടക്കമുള്ള അന്താരാഷ്ട്ര ടൂറിസം കേന്ദ്രങ്ങളിലെ ആഘോഷങ്ങള്‍ ഉപേക്ഷിച്ചത് സമാധാനാന്തരീക്ഷം നിലനില്‍ക്കുന്ന കേരളത്തിലേക്ക് സഞ്ചാരികള്‍ വരാന്‍ ഇഷ്ടപ്പെടുകയാണ്.
ഡിസംബര്‍ മുതല്‍ കായലോര ടൂറിസമേഖലയില്‍ സഞ്ചാരികളുടെ തിരക്ക് അനുഭവപ്പെട്ടുതുടങ്ങി. യൂറോപ്യന്‍ രാജ്യങ്ങളില്‍ നിന്നാണ് സഞ്ചാരികള്‍ കൂടുതലായി എത്തുന്നത്. ഇവയില്‍തന്നെ ബെല്‍ജിയം, ഡെന്മാര്‍ക്ക്, സ്വീഡന്‍ തുടങ്ങിയ രാജ്യങ്ങളില്‍നിന്ന് ഒട്ടേറെ പുതിയ സഞ്ചാരികളും വരുന്നുണ്ടെന്ന് ടൂര്‍ ഓപ്പറേറ്റര്‍മാര്‍ പറയുന്നു.....
No comments:
Post a Comment