(+01223484+)ഹൃത്വിക് റോഷനെയും ഐശ്വര്യ റായിയെയും അണിനിരത്തി ചെയ്യാന്‍ പോകുന്ന അടുത്ത ചിത്രത്തെക്കുറിച്ചുള്ള ആവേശത്തിലാണ് ബോളിവുഡ് സംവിധായകന് സഞ്ജയ് ലീലാ ബന്‍സാലി.
പ്രേക്ഷകരെ കൈയിലെടുക്കുകയെന്ന ലക്ഷ്യത്തോടെ തന്റെ കഥപറച്ചില്‍ ശൈലിയിലോ, സംവിധാന ശൈലിയിലോ യാതൊരു മാറ്റവും ഈ ചിത്രത്തിനുവേണ്ടി വരുത്താന്‍ ഉദ്ദേശിക്കുന്നില്ലെന്ന് സഞ്ജയ് ലീലാ ബന്‍സാലി വ്യക്തമാക്കുന്നു.
''ഹൃത്വിക്കും ഞാനും ഒരുമിച്ചു പ്രവര്‍ത്തിക്കാന്‍ ഏറെ നാളായി ആഗ്രഹിക്കുന്നവരാണ്. ഒരു നടന്‍ എന്ന നിലയില്‍ ഹൃത്വിക്കിന്റെ ആത്മാര്‍ഥത എന്നെ ഏറെ ആകര്‍ഷിച്ചിട്ടുണ്ട്. അദ്ദേഹവുമായി കരാര്‍ ഒപ്പിടുന്നതിനുള്ള മുഹൂര്‍ത്തത്തിനായി ഞാന്‍ കാത്തിരിക്കുകയാണ്''- ബന്‍സാലി പറയുന്നു.
'ഹം ദില്‍ ദേ ചുക്കെ സനം', 'ദേവദാസ്' എന്നീ ചിത്രങ്ങളില്‍ ഐശ്വര്യയുമൊത്ത് പ്രവര്‍ത്തിച്ച സംവിധായകന് നടിയെക്കുറിച്ച് തികഞ്ഞ മതിപ്പാണ്.....
No comments:
Post a Comment