തിരുവനന്തപുരം: വിവാദ പ്രസ്താവനകള്‍ ഒഴിവാക്കണമെന്ന് മുഖ്യമന്ത്രി വി.എസ്. അച്യുതാനന്ദന് സി.പി.എം. സെക്രട്ടേറിയറ്റിന്റെ നിര്‍ദ്ദേശം. സംസ്ഥാന സെക്രട്ടേറിയറ്റിന്റെ ഈ നിര്‍ദ്ദേശം ചൊവ്വാഴ്ച സംസ്ഥാന സമിതിയോഗത്തില്‍ ജനറല്‍സെക്രട്ടറി പ്രകാശ് കാരാട്ടാണ് പ്രഖ്യാപിച്ചത്.
പാര്‍ട്ടി കൂട്ടായി ചര്‍ച്ചചെയ്ത് സ്വീകരിച്ച നിലപാടുകളില്‍നിന്നും വ്യത്യസ്തമായി വിവാദം ഉണ്ടാക്കുന്ന പ്രസ്താവനകള്‍ മന്ത്രിസഭാതീരുമാനങ്ങള്‍ മാധ്യമ പ്രവര്‍ത്തകരോട് വിശദീകരിക്കുമ്പോള്‍ ഉണ്ടാകരുതെന്നാണ് നിര്‍ദ്ദേശത്തിന്റെ കാതല്‍.
ഷൊര്‍ണൂരില്‍ പാര്‍ട്ടി വിമതരില്‍നിന്നും പാര്‍ട്ടിക്കേറ്റ കനത്ത തിരിച്ചടി സംബന്ധിച്ച് സംസ്ഥാന സമിതിയില്‍ കാര്യമായ ചര്‍ച്ച നടന്നതായി സൂചനയില്ല. ഇതൊരു ചര്‍ച്ചാവിഷയമാക്കാന്‍ ഔദ്യോഗികപക്ഷം ആഗ്രഹിച്ചില്ലെങ്കിലും പലപ്പോഴും ഈ വിഷയം യോഗത്തില്‍ കടന്നുവന്നു.....
No comments:
Post a Comment