ആഗ്ര: സര്‍വ്വകലാശാലാ ക്യാമ്പസില്‍ വെടിവെപ്പ് നടത്തിയതിന് സമാജ് വാദി എം.എല്‍.സിയുടെ മകനെയും സുഹൃത്തുക്കളെയും പോലീസ് അറസ്റ്റ് ചെയ്തു.
സമാജ് വാദി പാര്‍ട്ടി നേതാവും എം.എല്‍.സിയുമായ സുഭാഷ് യാദവിന്റെ മകന്‍ ധിരജ് യാദവും സുഹൃത്തുക്കളുമാണ് പിടിയിലായത്. പാലിവാല്‍ പാര്‍ക്കിലെ സര്‍വകലാശാലാ ക്യാമ്പസില്‍ എത്തിയ ധീരജും സുഹൃത്തുക്കളും റിവോള്‍വര്‍ ഉപയോഗിച്ച് ആകാശത്തേക്ക് മൂന്നു തവണ നിറയൊഴിക്കുകയായിരുന്നു.
വെടിയൊച്ച കേട്ട വിദ്യാര്‍ത്ഥികള്‍ പരിഭ്രാന്തരായി ഓടി രക്ഷപ്പെടുകയായിരുന്നുവെന്ന് ദൃക്‌സാക്ഷികള്‍ പറഞ്ഞു. റിവോള്‍വറിന്റെ പ്രവര്‍ത്തന ക്ഷമത പരിശോധിക്കുകയായിരുന്നുവെന്നാണ് ധീരജ് നാട്ടുകാരോട് പറഞ്ഞത്.
എന്നാല്‍ തന്നെ ആരോ വെടിവെച്ചെന്നും ആത്മരക്ഷാര്‍ത്ഥം താന്‍ തിരിച്ചു വെടിവെച്ചതാണെന്നുമാണ് ഹരിപാര്‍വത് പോലീസ് സ്‌റ്റേഷനില്‍ കൊണ്ടുവന്ന ധീരജ് പോലീസിന് നല്‍കിയ മൊഴി.....
No comments:
Post a Comment