ന്യൂഡല്‍ഹി: കനത്ത മൂടല്‍മഞ്ഞ് മൂലം തുടര്‍ച്ചയായി രണ്ടാം ദിവസവും ഇന്ദിരാ ഗാന്ധി അന്താരാഷ്ട്രവിമാനത്താവളത്തിന്റെ പ്രവര്‍ത്തനം തടസ്സപ്പെട്ടു. ഒന്‍പത് സര്‍വീസുകള്‍ റദ്ദാക്കി. ആറ് അന്താരാഷ്ട്ര സര്‍വീസുകള്‍ ഉള്‍പ്പെടെ 18 സര്‍വീസുകള്‍ താമസിക്കും.
ജയ്പൂര്‍, ബാംഗ്ലൂര്‍, ശ്രീനഗര്‍, ഭുവനേശ്വര്‍, ഹൈദരാബാദ്, മുംബൈ സര്‍വീസുകളാണ് റദ്ദാക്കിയത്.
50 മീറ്റര്‍ ദുരം മാത്രമേ റണ്‍വേയില്‍ കാണാന്‍ കഴിയുന്നുള്ളു. സര്‍വീസ് നടത്താന്‍ വേണ്ട കുറഞ്ഞ റണ്‍വേ വിസിബിലിറ്റി റേഞ്ച് 100 മീറ്ററാണ്.
ഇന്നലെ കനത്ത മഞ്ഞ് മൂലം 200 വിമാനസര്‍വീസുകള്‍ താമസിക്കുകയും 19 എണ്ണം റദ്ദാക്കുകയും ചെയ്തിരുന്നു.
No comments:
Post a Comment