അട്ടാരി: (പഞ്ചാബ്) പാകിസ്താനിലെ ലാഹോറില്‍നിന്ന് സംഝോത എക്‌സ്പ്രസ്സില്‍ കടത്തിക്കൊണ്ടുവരികയായിരുന്ന എട്ട് കിലോഗ്രാം ഹെറോയന്‍ കസ്റ്റംസ് അധികൃതര്‍ പിടികൂടി. സ്ത്രീയുള്‍പ്പെടെ രണ്ടുപേര്‍ അറസ്റ്റിലായി.
40 കോടി വിലവരുന്നതാണ് പിടിച്ചെടുത്ത ഹെറോയിന്‍. തിങ്കളാഴ്ച വൈകിട്ട് പാകിസ്താനില്‍നിന്നെത്തിയ സംഝോത എക്‌സ്പ്രസ്സില്‍ മയക്കുമരുന്നുണ്ടെന്ന വിവരം കിട്ടിയതിനെത്തുടര്‍ന്നാണ് അട്ടാരി റെയില്‍വേസ്റ്റേഷനില്‍ പരിശോധന നടന്നത്. ഉത്തര്‍പ്രദേശിലെ മുസാഫര്‍നഗര്‍ സ്വദേശി സാദിഖിക്വാല്‍ (62), ബുലന്ദ് ശഹര്‍ സ്വദേശി അഖ്തര്‍ അബാസ് (27) എന്നിവരാണ് പിടിയിലായത്. ഇവര്‍ ജനവരി 19 നാണ് പാകിസ്താനിലേക്ക് പോയത്.
No comments:
Post a Comment