ധാംബുള്ള: ശ്രീലങ്കയ്‌ക്കെതിരായ ഏകദിന പരമ്പരയിലെ ആദ്യ മത്സരത്തില്‍ ഇന്ത്യക്ക് ജയിക്കാന്‍ 50 ഓവറില്‍ 247 റണ്‍സെടുക്കണം. ടോസ് നഷ്ടപ്പെട്ട് ആദ്യം ബാറ്റ് ചെയ്യാനിറങ്ങിയ ശ്രീലങ്ക നിശ്ചിത 50 ഓവറില്‍ ഏഴ് വിക്കറ്റ് നഷ്ടത്തില്‍ 246 റണ്‍സെടുത്തു.
ഓപ്പണര്‍ സനത് ജയസൂര്യയുടെ ഉജ്ജ്വല സെഞ്ചുറിയാണ് ശ്രീലങ്കന്‍ ഇന്നിങ്‌സിന് അടിത്തറയായത്. 114 പന്തുകള്‍ നേരിട്ട ജയസൂര്യ 107 റണ്‍സെടുത്തു. സ്‌കോര്‍ ബോര്‍ഡ് തുറക്കും മുമ്പെ മികച്ച ഫോമിലുള്ള ദില്‍ഷന്റെ വിക്കറ്റ് നഷ്ടമായ ലങ്കയെ ജയസൂര്യയും സങ്കക്കാരയും(44) ചേര്‍ന്ന് രണ്ടാം വിക്കറ്റില്‍ 118 റണ്‍സ് കൂട്ടിച്ചേര്‍ത്തു.
27 പന്തില്‍ 35 റണ്‍സെടുത്ത മഹറൂഫ് റണ്‍റേറ്റ് ഉയര്‍ത്താനായി കൂറ്റന്‍ അടിക്ക് ശ്രമിച്ച് പുറത്തായി. ഇന്ത്യക്ക് വേണ്ടി ഇഷാന്ത് ശര്‍മ്മ മൂന്ന് വിക്കറ്റ് വീഴ്ത്തി.....
No comments:
Post a Comment