പാലക്കാട്: ജമ്മുകശ്മീരിന്റെ ചെറിയ സേ്കാറിനെതിരെ തകര്‍ന്ന കേരളത്തെ രോഹന്‍ പ്രേമിന്റെ ഒറ്റയാള്‍ പോരാട്ടം രക്ഷപ്പെടുത്തി. സീസണിലെ രണ്ടാം സെഞ്ച്വറി നേടിയ രോഹന്‍ 10-ാം വിക്കറ്റില്‍ ടിനുയോഹന്നാനുമൊത്ത് നേടിയ 123 റണ്‍സിന്റെ കൂട്ടുകെട്ട് കേരളത്തിന് നിര്‍ണായകമായ ഒന്നാമിന്നിങ്‌സ് ലീഡും വിജയസാധ്യതയും സമ്മാനിച്ചു.
രണ്ടാംദിവസം അവസാന സെക്ഷനില്‍ കേരളത്തിന്റെ ഒന്നാം ഇന്നിംഗ്‌സ് 299 റണ്‍സിന് അവസാനിച്ചു. രോഹന്‍പ്രേം 124 റണ്‍സെടുത്ത് പുറത്താകാതെ നിന്നു. രോഹനോടൊപ്പം സെഞ്ച്വറി കൂട്ടുകെട്ടില്‍ പങ്കാളിയായ ടിനു 32 റണ്‍സെടുത്തു. ജമ്മുകശ്മീരിനുവേണ്ടി സമി ഉള്‍ ആബേഗ് മൂന്നും അഹമ്മദ്‌നിസാം നാലും വിക്കറ്റെടുത്തു. രണ്ടാംദിവസം കളി അവസാനിക്കുമ്പോള്‍ ജമ്മു രണ്ടാം ഇന്നിങ്‌സില്‍ ഒരു വിക്കറ്റ് നഷ്ടത്തില്‍ 26 റണ്‍സെടുത്തിട്ടുണ്ട്.....
No comments:
Post a Comment