ഇസ്‌ലാമാബാദ്: പാകിസ്താനിലെ സ്വാത്‌വാലിയില്‍ സൈന്യം നടത്തിയ ആക്രമണത്തില്‍ 30 താലിബാന്‍ ഭീകരര്‍ കൊല്ലപ്പെട്ടു. 35 പേര്‍ക്ക് പരിക്കേറ്റു. സ്വാത്‌വാലിയിലെ കോസ നാന്ദായ് മേഖലയിലാണ് സൈന്യം ഹെലികോപ്ടറില്‍ ആക്രമണം നടത്തിയത്.
താലിബാന്‍ വക്താവ് മുസ്‌ലിംഖാന്റെ ഗ്രാമമാണ് കോസ ബന്ദായ്. ഈ പ്രദേശം ഭീകരവിമുക്തമാക്കാനായി ബുധനാഴ്ച മുതലാണ് സൈന്യം ആക്രമണം തുടങ്ങിയത്.
അതിനിടെ വസീരിസ്താനില്‍ യു.എസ്. സൈന്യം ബുധനാഴ്ച നടത്തിയ ആക്രമണത്തില്‍ പാകിസ്താന്‍ പ്രതിഷേധിച്ചു. അഫ്ഗാനിസ്താന്‍ അതിര്‍ത്തിയോടുചേര്‍ന്ന അങ്കോര്‍ അദ്ദയില്‍ യു.എസ്. ഹെലികോപ്ടറുകള്‍ നടത്തിയ ആക്രമണത്തില്‍ സ്ത്രീകളും കുട്ടികളുമുള്‍പ്പെടെ 20 പേര്‍ കൊല്ലപ്പെട്ടിരുന്നു.....
No comments:
Post a Comment