തിരുവനന്തപുരം: നെല്ലിന്റെ സംഭരണവില 11 രൂപയായി വര്‍ദ്ധിപ്പിക്കാന്‍ മന്ത്രിസഭായോഗം തീരുമാനിച്ചു. ധനകാര്യവകുപ്പ് ഇതിനാവശ്യമായ തുക നല്‍കും. പത്തു രൂപ ആയിരുന്നു നേരത്തെ സംഭരണ വില.
റെയില്‍വെ കോച്ച് ഫാക്ടറി സ്ഥാപിക്കാന്‍ പാലക്കാട്ടെ പുതുശ്ശേരി വില്ലേജില്‍ 400 ഏക്കര്‍ സ്ഥലം ഫാസ്റ്റ്ട്രാക്ക് വ്യവസ്ഥയില്‍ ഏറ്റെടുക്കുമെന്നും മന്ത്രിസഭാ യോഗത്തിനുശേഷം മുഖ്യമന്ത്രി അറിയിച്ചു. ഇതിനായി ജീവനക്കാരെ ഉടന്‍ നിയമിക്കും.
കേണല്‍ ജി.വി രാജയുടെ ജന്മദിനമായ ഒക്‌ടോബര്‍ 13 എല്ലാ വര്‍ഷവും സ്‌പോര്‍ട്‌സ് ദിനമായി ആചരിയ്ക്കും.
ആദിവാസികള്‍ക്ക് ഭൂമി വിതരണം ചെയ്യുന്നതിന്റെ നോഡല്‍ ഓഫീസറുടെ അധിക ചുമതല റവന്യൂ കമ്മീഷണറും അഡീഷണല്‍ ചീഫ് സെക്രട്ടറിയുമായ മീരാ ഗംഗാധരന് നല്‍കാനും മന്ത്രിസഭ തീരുമാനിച്ചു.....
No comments:
Post a Comment