മഡ്ഗാവ്: ഐ-ലീഗില്‍ ചര്‍ച്ചില്‍ ബ്രദേഴ്‌സിന് വിജയത്തുടക്കം. കരുത്തരായ മഹീന്ദ്ര യണൈറ്റഡിനെ ഒന്നിനെതിരെ രണ്ട് ഗോളിനാണ് അവര്‍ തോല്‍പിച്ചത്.
കഴിഞ്ഞ വര്‍ഷത്തെ ടോപ്‌സ്‌കോറര്‍ ഒഡേഫ ഒകോലിയുടെ ഇരട്ടഗോളാണ് ചര്‍ച്ചിലിനെ തുണച്ചത്. 61-ാം മിനിറ്റിലാണ് ഒഡേഫ സ്‌കോറിംഗിന് തുടക്കമിട്ടത്. 83-ാം മിനിറ്റില്‍ സുഷില്‍കുമാര്‍ മഹീന്ദ്രയ്ക്കുവേണ്ടി സമനില കണ്ടെത്തി. എന്നാല്‍ അഞ്ചു മിനിറ്റിനുള്ളില്‍ ഒഡേഫ തന്നെ വിജയഗോളും വലയിലാക്കി. ചര്‍ച്ചിലിന്റെ ഗോവില്‍ സിംഗാണ് മാന്‍ ഓഫ് ദി മാച്ച്. കഴിഞ്ഞ വര്‍ഷത്തെ റണ്ണറപ്പാണ് ചര്‍ച്ചില്‍.
ഒക്‌ടോബര്‍ അഞ്ചിന് നാട്ടുകാരും ചാമ്പ്യന്മാരുമായ ഡെംപോ ഗോവയുമായാണ് ചര്‍ച്ചിന്റെ അടുത്ത മത്സരം. മഹീന്ദ്ര ഒക്‌ടോബര്‍ നാലിന് മുംബയില്‍ ചിരാഗ് യുണൈറ്റഡിനെ നേരിടും.....
No comments:
Post a Comment