ഭുവനേശ്വര്‍: ഒറീസ്സയില്‍ സംഘര്‍ഷം നിലനില്‍ക്കുന്ന കന്ധമാല്‍ ജില്ലയിലെ അഭയാര്‍ഥിക്യാമ്പുകളിലുണ്ടായ സേ്ഫാടന പരമ്പരകള്‍ കടുത്ത പരിഭ്രാന്തി പരത്തി. ആളപായമുണ്ടായതായോ ആര്‍ക്കെങ്കിലും പരിക്കു പറ്റിയതായോ റിപ്പോര്‍ട്ടുകളില്ല.
ശക്തി കുറഞ്ഞ നാടന്‍ബോംബുകളാണ് പൊട്ടിയതെന്ന് പോലീസ് സ്ഥിരീകരിച്ചു. നുവാഗാവ്, മഹാസിംഘി ഗ്രാമങ്ങളിലെയും ബലിഗുഡ പട്ടണത്തിലെയും ക്യാമ്പുകളിലാണ് ഞായറാഴ്ച രാത്രി ഏഴിനും ഒമ്പതിനുമിടയില്‍ സേ്ഫാടനമുണ്ടായത്. ക്യാമ്പിലെ അന്തേവാസികള്‍ സേ്ഫാടനമുണ്ടായതോടെ പ്രാണഭീതിയില്‍ പരക്കം പാഞ്ഞു. വന്‍സുരക്ഷാ ക്രമീകരണമുള്ള അഭയാര്‍ഥിക്യാമ്പുകളില്‍ സേ്ഫാടനം നടന്നത് കടുത്ത ആശങ്ക പടര്‍ത്തിയിട്ടുണ്ട്.
വ്യത്യസ്ത ക്യാമ്പുകളില്‍ തുടര്‍ച്ചയായി സേ്ഫാടനങ്ങള്‍ നടന്നത് അത് ആസൂത്രണം ചെയ്തതാണെന്നതിന്റെ തെളിവാണെന്ന് അധികൃതര്‍ പറഞ്ഞു.....
No comments:
Post a Comment