തിരുവനന്തപുരം: ടോട്ടല്‍ ഫോര്‍ യു തട്ടിപ്പ് കേസിലെ മുഖ്യപ്രതി ശബരീനാഥിനെ 14 ദിവസത്തേക്ക് കൂടി റിമാന്‍ഡ് ചെയ്തു. പ്രതികളെ വീണ്ടും റിമാന്‍ഡ് ചെയ്യണമെന്ന ക്രൈംബ്രാഞ്ചിന്റെ അപേക്ഷ കോടതി പരിഗണിച്ചാണിത്.
കേസിലെ അഞ്ചാം പ്രതി ഹേമലതയുടെ റിമാന്‍ഡ് കാലാവധിയും നീട്ടിയിട്ടുണ്ട്. ടോട്ടല്‍ ഫോര്‍ യു കോര്‍ഡിനേറ്ററായിരുന്ന ആറാം പ്രതി ബിന്ദു സുരേഷിന്റെ ജാമ്യാപേക്ഷ സി ജെ എം കോടതി തള്ളി.
അതേസമയം ഇനിയും പിടികൂടാനുള്ള കേസിലെ മൂന്നാംപ്രതി ചന്ദ്രമതിയെക്കുറിച്ചുള്ള അന്വേഷണം പോലീസ് ചെന്നൈ, ബാംഗ്ലൂര്‍ എന്നിവിടങ്ങളിലേക്ക് വ്യാപിപ്പിച്ചിട്ടുണ്ട്.
No comments:
Post a Comment