ശ്രീനഗര്‍: അമര്‍നാഥ് ഭൂമി പ്രശ്‌നത്തില്‍ വീണ്ടും പ്രക്ഷോഭത്തിന് ആഹ്വാനം നല്‍കിയ മൂന്ന് നേതാക്കളെ വീട്ടുതടങ്കലിലാക്കി. മിര്‍വൈസ് ഉമര്‍ ഫറൂക്ക്, സയ്യിദ് അലി ഗീലാനി, യാസിന്‍ മാലിക്ക് എന്നിവരെയാണ് തടങ്കലിലാക്കിയത്. വെള്ളിയാഴ്ച വീണ്ടും പ്രതിഷേധ പ്രകടനം നടത്താന്‍ ഇവര്‍ കശ്മീര്‍ താഴ്‌വരയിലെ ജനങ്ങളെ ആഹ്വാനം ചെയ്തിരുന്നു.
ഇവരെ വീടിന് പുറത്തിറങ്ങാന്‍ അനുവദിക്കരുതെന്ന് പോലീസിന് കര്‍ശന നിര്‍ദ്ദേശം നല്‍കിയിട്ടുണ്ട്. പ്രശ്‌നബാധിത പ്രദേശങ്ങളില്‍ കൂടുതല്‍ പോലീസിനെയും അര്‍ദ്ധസൈനിക വിഭാഗങ്ങളെയും നിയോഗിച്ചു. തീര്‍ത്ഥാടന കാലത്ത് ക്ഷേത്രബോര്‍ഡിന് ഭൂമി താല്‍ക്കാലികമായി നല്‍കാനുള്ള തീരുമാനത്തിനെതിരെയാണ് ഇവര്‍ പ്രതിഷേധത്തിന് ആഹ്വാനം നല്‍കിയത്.
No comments:
Post a Comment