ന്യൂഡല്‍ഹി: പ്രമാദമായ ബി.എം.ഡബ്ലിയു കേസില്‍ ഒന്നാം പ്രതി സഞ്ജീവ് നന്ദയ്ക്ക് വിചാരണക്കോടതി അഞ്ച് വര്‍ഷം തടവ് വിധിച്ചു. മദ്യപിച്ച് കാറോടിച്ച സഞ്ജീവ് നന്ദ വഴിയരികില്‍ നിന്നിരുന്ന ആറ് പേരെ ഇടിച്ചുവീഴ്ത്തിയതാണ് കേസിന് ആധാരം.
മൂന്ന് പോലീസുകാര്‍ ഉള്‍പ്പടെ ആറ് പേരും മരിച്ച സംഭവം വന്‍ വിവാദമായിരുന്നു. കേസിലെ മറ്റ് പ്രതികളായ രാജീവ് ഗുപ്ത്ക്ക് ഒരു വര്‍ഷവും, ഭോലാ നാഥ്, ശ്യാം സിങ് എന്നിവര്‍ക്ക് ആറ് മാസവും ശിക്ഷ വിധിച്ചു. ആയുധ വ്യാപാരി സുരേഷ് നന്ദയുടെ മകനാണ് സഞ്ജീവ് നന്ദ. മുത്തച്ഛന്‍ എസ്.എം നന്ദ മുന്‍ നാവിക സേന മേധാവിയായിരുന്നു.
No comments:
Post a Comment