(+01218528+)കറാച്ചി: മുന്‍ ടെസ്റ്റ് ക്രിക്കറ്റ് താരം ഇന്‍തിഖാബ് ആലം പാകിസ്താന്‍ താല്‍ക്കാലിക കോച്ച് ആകും. വെസ്റ്റിന്‍ഡീസുമായി അടുത്ത മാസം നടക്കുന്ന ഏകദിന പരമ്പരയ്ക്ക് വേണ്ടിയാണ് ആലം നിയമിതനായത്.
അടുത്ത മാസം നടക്കുന്ന പാക് ക്രിക്കറ്റ് ബോര്‍ഡ് യോഗത്തില്‍ പുതിയ കോച്ചിനെ നിയമിക്കുന്ന കാര്യത്തില്‍ തീരുമാനമെടുക്കും. എന്നാല്‍ ഇതുസംബന്ധിച്ച് ഔദ്യോഗിക വിവരമൊന്നും ലഭിച്ചിട്ടില്ലെന്ന് ഇന്‍തിഖാബ് ആലം മാധ്യമങ്ങളോട് പറഞ്ഞു.
മോശം പ്രകടനത്തിന്റെ പേരില്‍ നിലവിലുള്ള കോച്ച് ജെഫ് ലോസനെ കഴിഞ്ഞദിവസം പാക് ക്രിക്കറ്റ് ബോര്‍ഡ് പുറത്താക്കിയിരുന്നു. തുടര്‍ന്നാണ് മുന്‍ ലെഗ് സ്പിന്നര്‍ കൂടിയായ ആലത്തെ താല്‍ക്കാലിക കോച്ചായി നിയമിച്ചത്.
No comments:
Post a Comment