ന്യൂഡല്‍ഹി: ഇന്ത്യന്‍ ഓപ്പണര്‍ ഗൗതം ഗംഭീറിനെ ഐ.സി.സി ഒരു ടെസ്റ്റില്‍ നിന്ന് വിലക്കി. ഡല്‍ഹി ക്രിക്കറ്റ് ടെസ്റ്റില്‍ ഓസീസ് പേസ് ബൗളര്‍ ഷെയ്ന്‍ വാട്‌സണുമായി ഉരസലില്‍ ഏര്‍പ്പെട്ടതിനാണ് വിലക്ക്. ഇതോടെ ഓസീസിനെതിരെ നാഗ്പൂരില്‍ നടക്കുന്ന ടെസ്റ്റില്‍ ഗംഭീറിന്
കളിക്കാനാകില്ല. ഗംഭീറിന്റെയും വാട്‌സന്റെയും മൊഴി മാച്ച് റഫറി ക്രിസ് ബ്രോഡ് കേട്ടതിന് ശേഷമാണ് ശിക്ഷ വിധിച്ചത്.
ഇരുവരും പെരുമാറ്റച്ചട്ടം ലംഘിച്ചെന്ന് അമ്പയര്‍മാര്‍ റിപ്പോര്‍ട്ട് നല്‍കിയിരുന്നു. റണ്ണിനായി ഓടുമ്പോള്‍ തടസ്സപ്പെടുത്തിയതിന് തിരിച്ചോടുമ്പോള്‍ ഗംഭീര്‍ വാട്‌സന്റെ ദേഹത്ത് ചെറിയ തോതില്‍ ഇടിക്കുകയുണ്ടായി. ഇതാണ് പ്രശ്‌നമായത്. വാട്‌സണെതിരെ ലെവല്‍ ഒന്ന് പ്രകാരവും ഗംഭീറിനെതിരെ ലെവല്‍ രണ്ട് പ്രകാരവുമാണ് കുറ്റം ചുമത്തിയിരുന്നത്.....
No comments:
Post a Comment