ഇസ്‌ലാമബാദ്: പാകിസ്താനില്‍ ബലൂച്ചിസ്ഥാന്‍ പ്രവിശ്യയിലുണ്ടായ ഭൂകമ്പത്തില്‍ മരിച്ചവരുടെ എണ്ണം 215 ആയി. രക്ഷാപ്രവര്‍ത്തനം തുടരുന്നതിനിടെ തകര്‍ന്ന കെട്ടിടാവശിഷ്ടങ്ങള്‍ക്കിടയില്‍ നിന്ന് ഇന്നും മൃതദേഹങ്ങള്‍ കണ്ടെടുത്തു. കൂടുതല്‍ പേര്‍ അവശിഷ്ടങ്ങള്‍ക്കിടയില്‍ കുടുങ്ങിയിട്ടുണ്ടാവാമെന്ന നിഗമനത്തിലാണ് രക്ഷാപ്രവര്‍ത്തനത്തില്‍ ഏര്‍പ്പെട്ടിട്ടുള്ള സൈന്യം.
മലനിരകളില്‍ രക്ഷാപ്രവര്‍ത്തനത്തിന് ഹെലിക്കോപ്ടറുകളും സഹായത്തിനുണ്ട്. ഏകദേശം 20,000 പേരാണ് ഭവനരഹിതരായത്. ബലൂച്ചിസ്ഥാനിലെ സിയാറത്ത് പ്രദേശത്ത് താപനില പൂജ്യത്തിനും താഴെയാണ്. ഇവിടെ വീട് നഷ്ടപ്പെട്ട ആയിരക്കണക്കിന് ആളുകളാണ് തുറസ്സായ സ്ഥലത്ത് രാത്രി തങ്ങുന്നത്.
No comments:
Post a Comment