ആറ് പ്രതികള്‍ക്ക് താക്കീത്
കോഴിക്കോട്: മാറാട് കൂട്ടക്കൊലക്കേസിലെ അഞ്ചുപ്രതികളുടെ ജാമ്യം മാറാട് പ്രത്യേക കോടതി റദ്ദാക്കി. ജാമ്യവ്യവസ്ഥ ലംഘിച്ചതിന് ആറു പ്രതികളെ കോടതി താക്കീതുചെയ്തിട്ടുമുണ്ട്.
ഹൈക്കോടതി ജാമ്യം അനുവദിച്ച പ്രതികളില്‍ 18 പേര്‍ ജാമ്യവ്യവസ്ഥ ലംഘിച്ചെന്നു കാണിച്ച് പ്രോസിക്യൂഷന്‍ സമര്‍പ്പിച്ച ഹര്‍ജിയിലാണ് പ്രത്യേക കോടതി ജഡ്ജി ബാബുമാത്യു പി.ജോസഫ് വിധി പറഞ്ഞത്. ജാമ്യം റദ്ദാക്കിയ പ്രതികളെ വൈകുന്നേരത്തോടെ റിമാന്‍ഡ്‌ചെയ്ത് ജില്ലാ ജയിലില്‍ അടച്ചു.
കേസിലെ ആറാംപ്രതി പി.പി. മനാഫ്, 44-ാം പ്രതി ഷൗക്കത്തലി, 66-ാം പ്രതി അബ്ദുള്‍ജബ്ബാര്‍, 105-ാം പ്രതി മുഹമ്മദ് നാഫി, 109-ാം പ്രതി കമറുദ്ദീന്‍ എന്നിവരുടെ ജാമ്യമാണ് കോടതി റദ്ദാക്കിയത്.....
No comments:
Post a Comment