ബാംഗ്ലൂര്‍: മുംബൈ ഭീകരാക്രമണത്തില്‍ വീരചരമമടഞ്ഞ മേജര്‍ സന്ദീപിന്റെ വീട്ടില്‍ മുഖ്യമന്ത്രി വി.എസ് അച്യുതാനന്ദനും ആഭ്യന്തര മന്ത്രി കോടിയേരി ബാലകൃഷ്ണനും സന്ദര്‍ശനം നടത്തി.
വീട്ടിലെത്തിയ മന്ത്രിമാരെ തനിക്ക് കാണേണ്ടന്ന് സന്ദീപിന്റെ പിതാവ് ഉണ്ണികൃഷ്ണന്‍ പറഞ്ഞുവെങ്കിലും പോലീസിന്റെ സഹായത്തോടെ മുഖ്യമന്ത്രിയും ആഭ്യന്തര മന്ത്രിയും സന്ദീപിന്റെ മാതാവിനോട് സംസാരിക്കുകയും അനുശോചനം അറിയിക്കുകയും ചെയ്തു.
രാഷ്ട്രീയക്കാരെ തനിക്ക് കാണേണ്ട എന്ന് ഉണ്ണികൃഷ്ണന്‍ നേരത്തെ വ്യക്തമാക്കിയിരുന്നു. എങ്കിലും മുന്‍കൂട്ടി തീരുമാനിച്ച പ്രകാരം മുഖ്യമന്ത്രിയും ആഭ്യന്തര മന്ത്രിയും വീട്ടിലെത്തുകയായിരുന്നു.
സന്ദീപിന്റെ സംസ്‌കാര ചടങ്ങില്‍ കേരളത്തിന്റെ പ്രതിനിധികള്‍ പങ്കെടുക്കുകയോ അനുശോചനം അറിയിക്കുകയോ ചെയ്തിരുന്നില്ല എന്ന ആരോപണം ഉയര്‍ന്നതിനെത്തുടര്‍ന്നാണ് മുഖ്യമന്ത്രിയും ആഭ്യന്തര മന്ത്രിയും സന്ദീപിന്റെ വീട് സന്ദര്‍ശിക്കാന്‍ തീരുമാനിച്ചത്.....
No comments:
Post a Comment