കോഴിക്കോട്: മാറാട് കൂട്ടക്കൊലക്കേസില്‍ വിധി പ്രസ്താവിക്കുന്നത് പ്രത്യേക കോടതി ഡിസംബര്‍ 27ലേക്ക് മാറ്റി. വിധി തയ്യാറാക്കാന്‍ 20 പ്രവൃത്തി ദിനങ്ങള്‍ കൂടി വേണം എന്നതിനാലാണ് വിധി പ്രസ്താവിക്കുന്നത് നീട്ടുന്നതെന്ന് കേസ് പരിഗണിച്ച ജഡ്ജ ി ബാബു മാത്യു പി. ജോസഫ് പറഞ്ഞു.
വിധി പകര്‍പ്പ് തയ്യാറാക്കുന്നതിന്റെ തൊണ്ണൂറ് ശതമാനം ജോലി പൂര്‍ത്തിയായിക്കഴിഞ്ഞു. അത്യന്തം ഗൗരവമേറിയ കേസായതിനാല്‍ അവസാന ഭാഗം തയ്യാറാക്കാന്‍ പ്രത്യേക ശ്രദ്ധ വേണം എന്നതുകൊണ്ടാണ് വിധി പ്രസ്താവിക്കുന്നത് നീട്ടിവയ്ക്കുന്നതെന്നും ജഡ്ജ ി പറഞ്ഞു. കോടതി ചേര്‍ന്ന് രണ്ട് മിനിറ്റിനകം തന്നെ വിധിപ്രസ്താവന നീട്ടിവയ്ക്കുന്നതായി ജഡ്ജ ി അറിയിച്ചു.
വിധി പ്രസ്താവനയുണ്ടാകുമെന്ന കണക്കുകൂട്ടലില്‍ നഗരത്തിലും പരിസരപ്രദേശത്തും കര്‍ശനമായ സുരക്ഷാക്രമീകരണങ്ങള്‍ ഏര്‍പ്പെടുത്തിയിരുന്നു മാറാട് കോടതി പരിസരത്തും മാറാട് ബീച്ചിലും നിരോധനാജ്ഞ പ്രഖ്യാപിച്ചിട്ടുമുണ്ട്.....
No comments:
Post a Comment