(+01215064+)കോഴിക്കോട്: ആസ്പത്രിയില്‍ നിന്ന് മൃതദേഹം വിട്ടുകിട്ടാന്‍ പണമില്ലാതെ വലഞ്ഞവര്‍ക്ക് സ്വന്തം വളകള്‍ ഊരി നല്‍കിയ വനിതാ പോലീസ് അപര്‍ണാ ലവകുമാറിന് അഭിനന്ദന പ്രവാഹം. മാതൃഭൂമി ഓണ്‍ലൈനിലൂടെ ആയിരക്കണക്കിന് വായനക്കാരാണ് അപര്‍ണയുടെ സത്കര്‍മത്തിന് അഭിനന്ദനവും ആശംസകളും നേര്‍ന്നത്.
സമൂഹത്തില്‍ നിന്ന് നന്മയും സാഹോദര്യവും അകന്നു പോകുന്ന ഈ കാലഘട്ടത്തില്‍ അപര്‍ണ ചെയ്തത് വലിയ കാര്യമാണെന്ന് വായനക്കാര്‍ അഭിപ്രായപ്പെട്ടു. കാക്കിയിട്ട മാലാഖയെന്നാണ് വായനക്കാര്‍ അപര്‍ണയെ സംബോധന ചെയ്തത്.
പോലീസ് സേനയ്ക്കും പൊതു സമൂഹഹത്തിനും കരുണയുടെ മാതൃക കാട്ടിയ അപര്‍ണയെ സര്‍ക്കാര്‍ മുന്‍ കൈയെടുത്ത് ആദരിക്കണമെന്നും അവരുടെ ആര്‍ദ്ര ഹൃദയത്തിനുള്ള പാരിതോഷികമായി ജോലിക്കയറ്റം നല്‍കണമെന്നും നിരവധി വായനക്കാര്‍ ആവശ്യപ്പെട്ടു.....
No comments:
Post a Comment