കൊച്ചി: തിരക്കഥാകൃത്തും നടനും സംവിധായകനുമായ ശ്രീനിവാസന് കേരള ഫിലിം പ്രൊഡ്യൂസേഴ്‌സ് അസോസിയേഷന്‍ വിലക്ക് ഏര്‍പ്പെടുത്തി. അസോസിയേഷന്‍ അംഗങ്ങളായ വിന്ധ്യന്‍, ലീല ലത്തീഫ് എന്നിവരില്‍ നിന്ന് സിനിമ സംവിധാനം ചെയ്യുന്നതിനുള്ള അഡ്വാന്‍സായി അഞ്ച് ലക്ഷം രൂപ വാങ്ങിയശേഷം സിനിമ ചെയ്യാതിരുന്നതിനെ തുടര്‍ന്നാണ് വിലക്ക്.
1998ലാണ് സിനിമ സംവിധാനം ചെയ്യാന്‍ ശ്രീനിവാസന് അഞ്ച് ലക്ഷം രൂപ അഡ്വാന്‍സായി വാങ്ങിയതത്രെ. എന്നാല്‍ നാളിതുവരെയായി സിനിമ ചെയ്യുകയോ, വാങ്ങിയ അഡ്വാന്‍സ് തുക മടക്കി നല്‍കുകയോ ചെയ്യാതിരുന്നതിനെ തുടര്‍ന്നാണ് നിര്‍മ്മാതാക്കള്‍ അസോസിയേഷനില്‍ പരാതി നല്‍കിയത്. പ്രൊഡ്യൂസേഴ്‌സ് അസോസിയേഷന്‍ പ്രസിഡന്‍റ് ജി. സുരേഷ്‌കുമാര്‍, തിരക്കഥാകൃത്തുക്കളുടെ പ്രതിനിധി ഡെന്നീസ് ജോസഫ് 'അമ്മ'യ്ക്കു വേണ്ടി പ്രസിഡന്‍റ് ഇന്നസെന്‍റ് എന്നിവര്‍ ശ്രീനിവാസനുമായി ഇക്കാര്യം ചര്‍ച്ച ചെയെ്തതെങ്കിലും ഒത്തുതീര്‍പ്പിലെത്താന്‍ കഴിഞ്ഞില്ല.....
No comments:
Post a Comment