ന്യൂഡല്‍ഹി: ഇന്ത്യന്‍ യുദ്ധക്കപ്പലായ ഐ.എന്‍.എസ് വിരാടിനെ ആകാശത്തുകൂടി അക്രമിക്കാന്‍ ലഷ്‌കര്‍ ഇ തൊയ്ബ പദ്ധതിയിടുന്നതായി യു.എസ്. രഹസ്യാന്വേഷണവിഭാഗം ഇന്ത്യയെ അറിയിച്ചു.
കൊച്ചിയിലെ കപ്പല്‍ നിര്‍മ്മാണ ശാലയില്‍ അറ്റകുറ്റപ്പണിക്കായി നിര്‍ത്തിയിട്ടിരിക്കുകയാണ് ഐ.എന്‍.എസ് വിരാട്. രഹസ്യാന്വേഷണ റിപ്പോര്‍ട്ടിനെ തുടര്‍ന്ന് കപ്പലിന്റെ സുരക്ഷ ശക്തമാക്കിയിട്ടുണ്ട്.
ഇന്റര്‍നെറ്റ് ഗേറ്റ്‌വേകളില്‍ നടത്തിയ രഹസ്യപരിശോധനയില്‍ ആണ് ഭീഷണിയെക്കുറിച്ച് അറിഞ്ഞത്. ഡിസംബര്‍ 23ന് ദേശീയചാനലുകള്‍ ഇക്കാര്യം സംപ്രേക്ഷണം ചെയ്തിരുന്നു.
ഇതേതുടര്‍ന്ന് കപ്പലിന് 200 യാര്‍ഡ് (182 മീറ്റര്‍) വരെ സംരക്ഷിത പ്രദേശമായി പ്രഖ്യാപിച്ചിട്ടുണ്ട്. ഇവിടെ മറ്റുബോട്ടുകളോ കപ്പലുകളോ വഞ്ചികളോ വരുന്നത് നിരോധിച്ചതായും സി.....
