ശ്രീനഗര്‍: കശ്മീരില്‍ തീവ്രവാദികള്‍ നടത്തിയ നുഴഞ്ഞുകയറ്റ ശ്രമം അതിര്‍ത്തി സംരക്ഷണ സേന പരാജയപ്പെടുത്തി. ഇന്ത്യന്‍ സൈനിക പോസ്റ്റുകളെ ലക്ഷ്യമാക്കി പാക് സേന ബുധനാഴ്ച പുലര്‍ച്ചെ വെടിവെപ്പ് നടത്തിയിരുന്നു. ഇതിന്റെ മറവിലാണ് നുഴഞ്ഞു കയറ്റ ശ്രമം നടന്നത്.
അതിര്‍ത്തി സംരക്ഷണ സേന പ്രത്യാക്രമണം നടത്തിയതോടെയാണ് വെടിവെപ്പ് അവസാനിച്ചത്. ഏറ്റുമുട്ടല്‍ അര മണിക്കൂറോളം നീണ്ടുനിന്നതായി സേനാ വക്താവ് പറഞ്ഞു. ഏറ്റുമുട്ടലിനിടെ നുഴഞ്ഞു കയറാന്‍ ശ്രമിച്ചവര്‍ പാകിസ്താന്‍ ഭാഗത്തേക്ക് മടങ്ങി.
വെടിവെപ്പില്‍ ആളപായമോ നാശനഷ്ടങ്ങളോ ഉണ്ടായിട്ടില്ല. അതിര്‍ത്തി പ്രദേശങ്ങളില്‍ സൈന്യം തിരച്ചില്‍ നടത്തുന്നുണ്ട്. മൂന്ന് ദിവസത്തിനിടെ രണ്ടാം തവണയാണ് അതിര്‍ത്തിയില്‍ പാക് സേന വെടിനിര്‍ത്തല്‍ കരാര്‍ ലംഘനം നടത്തുന്നത്.....
No comments:
Post a Comment