അഗര്‍ത്തല: അഗര്‍ത്തലയില്‍ ഇന്ന് വൈകീട്ടുണ്ടായ സ്‌ഫോടന പരമ്പരയില്‍ ഒരാള്‍ മരിച്ചു. 35 പേര്‍ക്ക് പരിക്കേറ്റു. 30 പതിനഞ്ച് മിനിറ്റിന്റെ ഇടവേളയില്‍ നഗരത്തിലെ മൂന്നിടങ്ങളിലാണ് സ്‌ഫോടനമുണ്ടായത്.
തിരക്കേറിയ ഗുല്‍ബസാറില്‍ വൈകീട്ട് ഏഴരയ്ക്കാണ് ആദ്യ സ്‌ഫോടനമുണ്ടായത്. തുടര്‍ന്ന് 7.35ന് ജി.ബി. മാര്‍ക്കറ്റിലും 8.15ന് ബസ് സ്റ്റാന്‍ഡിലുമായിരുന്നു മറ്റു സ്‌ഫോടനങ്ങള്‍. പരിക്കേറ്റവരെ അഗര്‍ത്തല ജി.ബി.പന്ത് ആസ്പത്രിയില്‍ പ്രവേശിപ്പിച്ചിരിക്കുകയാണ്.
സ്‌ഫോടനത്തെ തുടര്‍ന്ന് നഗരത്തിലെ കടകളെല്ലാം അടച്ചു. വൈദ്യുതി, ടെലിഫോണ്‍ ബന്ധവും തകരാറിലായിട്ടുണ്ട്.
സ്‌ഫോടനത്തിന്റെ ഉത്തരവാദിത്തം ഒരു സംഘടനയും ഏറ്റെടുത്തിട്ടില്ല.
No comments:
Post a Comment