ന്യൂഡല്‍ഹി: മുംബൈ ആക്രമണത്തിന്റെ പശ്ചാത്തലത്തില്‍ തീവ്രവാദത്തിനെതിരെ എല്ലാ രാഷ്ട്രീയ കക്ഷികളും ഒന്നിച്ച് നില്‍ക്കണമെന്ന് പ്രധാനമന്ത്രി ഡോ.മന്‍മോഹന്‍ സിങ് ആവശ്യപ്പെട്ടു. ഡല്‍ഹിയില്‍ വിളിച്ച് ചേര്‍ത്ത സര്‍വ കക്ഷി യോഗത്തില്‍ ആമുഖ പ്രഭാഷണം നടത്തുകയായിരുന്നു അദ്ദേഹം.
കടലില്‍ നിരീക്ഷണം ശക്തമാക്കുമെന്നും എന്‍.എസ്.ജിയുടെ നാലു കേന്ദ്രങ്ങള്‍ കൂടി ആരംഭിക്കുമെന്നും പ്രധാനമന്ത്രി പറഞ്ഞു.
സര്‍വകക്ഷി യോഗത്തില്‍ ബി.ജെ.പി നേതാവ് എല്‍.കെ അദ്വാനി പങ്കെടുക്കുന്നില്ല. അദ്വാനിക്ക് പകരം വി.കെ മല്‍ഹോത്രയാണ് പങ്കെടുക്കുന്നത്.
